«Ֆրեսկո 2016»-ը ամփոփեց արդյուքները
Օգոստոսի 29-ին կազմակերպված ամփոփիչ մամուլի ասուլիսն ազդարարեց «Ֆրեսկո» արդի արվեստի և հոգևոր ֆիլմերի միջազգային 3-րդ փառատոնի եզրափակման մասին: Կազմակերպիչներն ամփոփեցին անցած տասօրյակի մշակութային եռուզեռն ու ներկայացրեցին այս տարվա ֆիլմերի մրցութային ծրագրի հաղթողների անունները:\
Այս տարի «Ֆրեսկո»-ի ֆիլմացանկում ներառված էին 22 երկրներից ներկայացված 76 կինոժապավեն, որոնցից 4-ը` հայկական: Հանդիսականը ֆիլմեր դիտելու հնարավորւթյուն ուներ ոչ միայն Երևանի տարբեր փակ սրահներում, այնպես էլ դրսում. բացօթյա կինոդիտումներ են կազմակերպվել Հաղարծնի վանքային համալիրի բակում և Կարապի լճի տարածքում: Ֆիլմերի մրցութային ծրագրի ժյուրին հենց ինքը հանդիսատեսն էր. հավասար քանակությամբ հանդիսականներ նախապես պատրաստված գնահատման թերթիկների միջոցով գնահատելու հնարավորություն են ունեցել ցուցադրվող բոլոր ֆիլմերը:
Փառատոնի շրջանակումներում ֆիլմերը մրցանակի արժանանում են ոչ թե մասնագիտական որակների, այլ հաղորդած գաղափարների և դրանց ազդեցության համար: Կազմակերպիչներն ստեղծել են «Լավագույն ուղերձ» մրցանակների շարք, որում առանձնացվել են համամարդկային արժեքները խորհրդանշող մի քանի անվանակարգ:
Ֆիլմերի համար հատկացված մրցանակներից բացի կազմակերպիչներն առանձնացրել էին 2 հատուկ մրցանակ:
Փառատոնի հատուկ մրցանակ ԽԱՂԱՂՈՒԹՅՈՒՆ ԵՎ ՍԵՐ սփռելու համար` Ղևոնդ վարդապետ Հովհաննիսյան
Փառատոնի հատուկ մրցանակ ՄԱՐԴԱՍԻՐՈՒԹՅՈՒՆ սերմանելու համար` Դմիտրի Բրիկման
Այս տարի մրցանակ ստացան 10 ֆիլմ.
Լավագույն ուղերձ «ՍԵՐ»` ԵՎ ԿՐԿԵՍԸ ԺԱՄԱՆԵՑ… Գուժ Թադևոսյան Հայաստան
Լավագույն ուղերձ «ՍԵՐ»` ԽԻՈ Լիլիթ Մովսիսյան Հայաստան
Լավագույն ուղերձ «ՍԵՐ»` ՎԱՆԻԼ Խուան Բեիրո Իսպանիա
Լավագույն ուղերձ «ՔԱՋՈՒԹՅՈՒՆ»` ԳՈՂԸ Մուհամեդ Ֆարահանի Իրան
Լավագույն ուղերձ «ՔԱՋՈՒԹՅՈՒՆ»` ՏՐԱՄՎԱՅ ՄԻՆՉև ԱՏՐԱԿՑԻՈՆՆԵՐԻ ԶԲՈՍԱՅԳԻ Եվգենի Լալաև, Անաստասիա Գերասյուկ Ռուսաստան
Լավագույն ուղերձ «ՀԱՎԱՏ»` ԸՆՏՐՅԱԼՆԵՐԸ Նատալյա Բելյաևա Ուկրաինա, Ռուսաստան
Լավագույն ուղերձ «ՄԱՐԴԱՍԻՐՈՒԹՅՈՒՆ»` ԼԱՐԵՐ Պեդրո Սոլիս Գարսիա Իսպանիա
Լավագույն ուղերձ «ԽԱՂԱՂՈՒԹՅՈՒՆ»` ՉՍՈՎՈՐԱԾ ԴԱՍԸ 14/41 Նինա Վեդմիցկայա Ռուսաստան
Լավագույն ուղերձ «ԶՂՋՈՒՄ»` ՎԵՐՋԻՆ ՀԱՆԳՐՎԱՆԸ Վիկտորյա Կոզելցովա Ռուսաստան
Լավագույն ուղերձ «ՀՈՒՅՍ»` ՄԻՆՉԵՎ ՎԵՐՋ Ուիլիամ Էգիենտա Ֆրանսիա
«Եվ կրկեսը ժամանեց…» ֆիլմի ռեժիսոր Գուժ Թադևոսյանը նշում է, որ իր համար շատ կարևոր է, որ «Լավագույն ուղերձ» մրցանակային շարքի հատկապես «Սեր» անվանակարգի հաղթող է ճանաչվել:
15 միջազգային փառատոնների մրցանակակիր ֆիլմի համար սա արդեն 2-րդ հատուկ խորհուրդ ունեցող մրցանակն է: «Սերը իմ ֆիլմի թերևս ամենամեծ ուղերձն է, ու, այն որ աշխարհի տարբեր ծայրերում ժապավենի հերոսի պատմությունը թեկուզ և տարբեր կերպ, բայց հուզում է բոլոր տարիքի մարդկանց, խոսում է այն մասին, որ այն դիպչում է նրանց սրտին: Իսկ այդ երկխոսությունը, ըստ իս, ֆիլմի հաջողության լավագույն գրավականն է»:
«Փառատոնի բոլոր միջոցառումները, դրանց բովանդակությունն ու ընթացքը ցույց էին տալիս, որ աշխարհում դեռևս շատ բարություն ու բարի մարդիկ կան: Ցանկանում եմ, որ ՖՐԵՍԿՈ-ի բարության պատգամները շարունակական լինեն»,- նշեց Ղևոնդ վարդապետ Հովհաննիսյանը:
Հավատարիմ մնալով իր որդեգրած սոցիալական առաքելությանը` փառատոնը առանձնակի ուշադրություն է դարձնում հատուկ խմբերի մասնակցությանը փառատոնի բոլոր փուլերին, իսկ փառատոնի մրցանակները, ավանդույթի համաձայն պատրաստել են Խարբերդի մանկատան սաները:
Նորություններ
-
Մեր օրերի հերոսը
-
ՖՐԵՍԿՈՆ ՍԱՀՄԱՆԻՆ
-
Ես կարող եմ / սոցիալական գովազդ
-
Կայացավ «100 գաղափար Հայաստանի համար 2018» երիտասարդական նորարարական մրցույթը
-
Կայացավ «Երիտասարդ 2018» երիտասարդական մրցանակաբաշխությունը
-
«Երիտասարդ 2018» երիտասարդական մրցանակաբաշխություն
-
Ֆիլմ-Վաղ ամուսնությունը Հայաստանում
-
Մեկնարկում է «Ֆրեսկո» միջազգային 5րդ փառատոնը
-
Վաղահաս ամուսնությունը Հայաստանում
-
Մատչելի բնակարան երիտասարդ մասնագետներին
-
Կայացավ «Միասին կարող ենք…» նախագիծը
-
«100 գաղափար Հայաստանի համար» 2017
-
Շուտով ֆիլմ՝ «Մատենադարան. Հիշողության կերպարանքները»
-
«Ռոլան» մանկապատանեկան ֆիլմերի փառատոնի մեկնարկը
-
Իջևան-2018թ ՀՀ երիտասարդական մայրաքաղաք
-
Գութան 2017 փառատոն
-
«Հիշողության կերպարանքները» միջազգային սեմինար
-
«Ֆրեսկո»՝ բարության փառատոն
-
ՖՐԵՍԿՈ միջազգային 4-րդ փառատոնը մեկնարկում է
-
3 նոր կրթական ֆիլմ ապագա մայրերի համար
Մեր մասին
“Formica Art” production
Մենք հենց այն «ժրաջան, աշխատասեր մրջյուններն» ենք, որոնց էլ ճարահատյալ դիմում են հանրահայտ ընկերությունները՝ իրագործելու իրենց ամենահամարձակ ու անիրագործելի թվացող խոստումները:
Կոնտակտներ
Հասցե՝ Հայաստան, ք. Երևան, 0064 Րաֆֆի 99/1.1
Հեռախոս՝ +37460 43 33 44
E-mail: Այս էլ. փոստի հասցեն պաշտպանված է սպամ-բոթերից: Այն տեսնելու համար անհրաժեշտ է միացնել JavaScript
Շահեն Նազարենկո
Տնօրեն
+374 91 43 33 44
Աննա Կարապետյան
Մարքեթինգի և հասարակայնության հետ կապերի բաժին
+374 91 733 554